Bashkë ndërtojmë të ardhmen!

Shkolla "Mileniumi i Tretë" është shkollë jopublike e nivelit fillor, të mesëm të ulët dhe të mesëm të lartë (klasat 1-12)

E Hënë - E Premte

08:00 - 16:00

+383 44 260 606

+383 38 244 258

info@mileniumi3.net

Rr. "Sokol Sopi", nr. 107

Matiçan, 10000 Prishtinë

Kosovë

Ju lutem plotësoni formularin dhe qëndroni në pritje për regjistrimet për vitin shkollor 2027/28 dhe 2028/29.

M3

Shërbimet

Shkolla “Mileniumi i Tretë” zbaton metoda inovative dhe programe ndërkombëtare, duke ofruar një mjedis fleksibël që nxit të mësuarit gjatë gjithë jetës.

Procesi mësimor

Shkolla “Mileniumi i Tretë” punon me plane dhe me programe të avancuara të Ministrisë së Arsimit, të Shkencës dhe të Teknologjisë, duke shfrytëzuar çdo mundësi për qasje inovative. Mësimi në klasat e ulëta zhvillohet sipas metodologjisë së mirënjohur “Hap pas hapi”, ndërsa mësimi me fëmijët e moshës 11-17 vjeçare zhvillohet me metoda bashkëkohore të...

Me shume

Hap pas hapi

Hap pas hapi është program edukativ i hartuar nga Universiteti Georgetown në Washington dhe paraqet gërshetim të përvojave amerikane dhe evropiane për punë me fëmijët e moshës deri në 10 vjet. Ky Program realizohet në 30 vende të Botës, ndërsa në Kosovë është i pranishëm nga viti 1997. Të gjitha paralelet e mësimit klasor në shkollë janë të pajisuara sipas standardeve të këtij Programi për të mundësuar: Individualizimin në mësim, Të mësuarit aktiv, Mundësinë që fëmijët të zgjedhin aktivitetin e dëshiruar, Mjedisin stimulues për mësim, Bashkëpunimin me familjen

Me shume

Mendimi Kritik

Zhvillimi i Mendimit Kritik gjatë Leximit dhe Shkrimit (MKLSh) është program i Shoqatës Ndërkombëtare të Leximit me seli në Washington, i cili ndihmon nxënësit të mendojnë në mënyrë reflektive, të kuptojnë logjikën e argumenteve, të dëgjojnë me vëmendje, të diskutojnë haptas dhe të bëhen individë të pavarur dhe të interesuar për të nxënë gjatë tërë jetës. Ky Program zbatohet në 28 vende të Botës, ndërsa në Kosovë ka filluar të zbatohet që nga viti 2000.

Me shume

E-Mësimi - M3

e-Mësimi është portë hyrëse për të gjithë nxënësit e shkollës "Mileniumi i Tretë", si për ata nxënës që janë të interesuar në mësimin e kombinuar (blended learning), ashtu edhe për ata që nuk kanë mundësi të jenë prezent në klasë dhe dëshirojnë të mësojnë online (online learning). Klasat ofrohen në kohë të përshtatshme për nxënësit kudo që ndodhen, qoftë në ambientin e shkollës apo prej komforit të shtëpive të tyre dhe ofrojnë të njëjtën cilësi të lartë të mësimdhënies sikurse nëpër klasat tona që mbahen në shkollë.

Synojmë arsim cilësor që zhvillon potencialin, mendimin kritik dhe lidershipin e çdo nxënësi.

Vizioni

Zhvillimi maksimal dhe i lirë i secilit nxënës, në përputhje me aftësitë psikike e fizike dhe, në pajtim me kërkesat e Shoqërisë së DIJES.

Me shume

Misioni

Qëllimi i shkollës është të qenit model duke ofruar programe me standarde të larta, të cilat krijojnë kushte që nxënësit të kenë vetëbesim dhe të jenë ndërtues kreativë të së ardhmes. Komuniteti i shkollës përqendrohet në tërë qenien e fëmijës për mbjelljen e dëshirës që të mësojë e të dijë, të marrë përsipër rreziqe e përgjegjësi, si dhe t’i kontribuojë transformimit të vetes e të shoqërisë.

Me shume

Vlerat

1. Përgjegjësia – Ne jemi të përgjegjshëm për veprimet tona, pranojmë kur dështojmë në standardet tona, dhe gjithmonë përpiqemi të japim më të mirën nga vetja.

2. Mendimi kritik – Ne zbatojmë dhe inkurajojmë të menduarit në mënyrë kritike për problemet e botës. Ne i mësojmë nxënësit si të mësojnë dhe të jenë analitikë në mënyrë që ata të mund të dalin në botë si nxënës gjatë gjithë jetës për të zgjidhur problemet e Shekullit 21.

3. Individualizmi – Ne inkurajojmë njerëzit ta përqafojnë veten e tyre të vërtetë dhe të ndajnë veçantinë e tyre me botën që i rrethon.

4. Puna në grup – Të gjithë ne jemi një ekip. Punojmë së bashku, sepse e dimë që mund të arrijmë më shumë bashkë, sesa si individë.

5. Respekti – Ne respektojmë të drejtën e njëri -tjetrit për siguri dhe dinjitet në shkollë. Ne flasim me qetësi, mirësjellje dhe qytetërim.

6. Ndershmëria – Ne e vlerësojmë ndershmërinë gjatë komunikimit me të tjerët. Testi real i ndershmërisë është kur duhet të pranojmë gabimin.

7. Ndryshimi i guximshëm – Ne besojmë se ndryshimi mund të jetë një mundësi pozitive për krijimin e vetvetes, shkollës e shoqërisë më të mirë duke u përballur guximshëm me sfidat dhe duke përkrahur njëri -tjetrin në momente të vështira në mësimet për jetën.

8. Reflektimi – Ne e vlerësojmë reflektimin si një mënyrë që të përmirësohemi. Ne mendojmë e analizojmë veprimet tona dhe shohim se si të përmirësohemi herën tjetër.

9. Pritshmëritë e larta – Ne kemi pritshmëri të mëdha nga vetja dhe besojmë se jemi të aftë të arrijmë më shumë sesa kemi synuar me të ardhur në këtë shkollë.

10. Udhëheqja – Ne përpiqemi të bëhemi udhëheqës të së nesërmes duke praktikuar udhëheqjen në komunitetin tonë shkollor sot.

Me shume

Për Ne

Shkolla “Mileniumi i Tretë” nisi punën në 2004/05 me 118 nxënës dhe 25 punonjës. Në vitet pasuese u hap restoranti, fusha e sportit dhe u zgjerua objekti. Në 2009/10 u shtua gjimnazi, i cili në 2017/18 mori drejtimet Shkenca Natyrore dhe Shoqëror-Gjuhësor. Në qershor 2012, u diplomua gjenerata e parë e maturantëve.

Planet dhe Programet Mësimore

Më poshtë mund t'i gjeni planet dhe programet mësimore për klasën e parë deri në klasën e dymbëdhjetë

Klasa I

Klasa II

Klasa III

Klasa IV

Klasa V

Klasa VI

Klasa VII

Klasa VIII

Klasa IX

Klasa X

Klasa XI

Klasa XII

Stafi

Njihuni me ekipin tonë të kualifikuar dhe me përvojë, të përkushtuar për suksesin dhe zhvillimin e nxënësve tanë.

Agron Gashi

Mësimdhënës i Gjuhës dhe Letërsisë Shqipe

PhD. Letërsi dhe Studime Letrare

Njomza Kelmendi Jasiqi

Mësimdhënëse e Mësimit Klasor

Master i Edukimit – Mësimdhënie dhe Kurrikulë

Fitore Hoxha Salihu

Zëvendës Drejtoreshë

Profesoreshë – Gjuhë dhe Letërsi Angleze

Edmond Ramadani

Mësimdhënës i Gjuhës Angleze

Baçelor i Gjuhës dhe Letërsisë Angleze

Edona Cami Xhelili

Mësimdhënëse e Edukatës Fizike dhe Sporteve

Profesoreshë e Kulturës Fizike dhe Sporteve

Merita Rexhaj

Asistente administrative

I gjithë stafi

Aktivitete

𝐅𝐞𝐬𝐭𝐞̈ 𝐤𝐫𝐞𝐧𝐚𝐫𝐢𝐞 𝐩𝐞̈𝐫 𝟏𝟖-𝐯𝐣𝐞𝐭𝐨𝐫𝐢𝐧 𝐞 𝐏𝐚𝐯𝐚𝐫𝐞̈𝐬𝐢𝐬𝐞̈

Në Sallën e Kuqe të Pallatit të Rinisë, u mbajt një program festiv me rastin e 18-vjetorit të Pavarësisë së Kosovës. Përmes valleve, këngëve, recitaleve dhe interpretimeve artistike, nxënësit sollën emocione të veçanta dhe përcollën frymën e dashurisë për atdheun. Atmosfera festive, energjia e nxënësve dhe përkushtimi i mësimdhënësve e bënë këtë program një kujtim të bukur për të gjithë të pranishmit. Falënderojmë secilin që kontribuoi në realizimin e këtij programi dinjitoz, duke nderuar një nga datat më të rëndësishme të historisë sonë.

Më shumë

Për të gjithë nxënësit e shkollës “Mileniumi i Tretë” sot filloi viti i ri shkollor 2023/24

Me urimet më të mira për vit të mbarë e të suksesshëm, sot të gjithë nxënësit e shkollës “Mileniumi i Tretë” janë rikthyer në shkollë. Sot kemi pritur edhe shumë nxënës të rinj të cilët janë bashkuar me ne. Me lule e përqafime i kanë takuar mësimdhënësit e tyre ndërsa pas takimeve, të gjithë kanë zhvilluar lojëra sportive argëtuese në stacionet e tyre.

Më shumë

“Mirë se vini në klasën e parë! Suksese në rrugën e dijes!”

Me një ceremoni zyrtare të organizuar, sot kemi pritur nxënësit e regjistruar në klasën e parë, të përcjellur nga prindërit e tyre. Fëmijët me emocione të veçanta kanë takuar mësuesen e cila do t’i udhëzojë drejt rrugës së dijes për pesë vitet e ardhshme. Para fillimit të mësimit ata u argëtuan me programin e Palaço me shokë si dhe dëgjuan me vëmendje fjalimin e drejtoreshës së shkollës znj, Afrore Lila, me këshilla të vlefshme për rrugëtimin e tyre.

Më shumë

Diella Morina zë vendin e dytë në OMK 2024

Nxënësja e shkollës “Mileniumi i Tretë”, Diella Morina ka treguar sukses të lartë në Olimpiadën e Matematikës në Kosovë OMK 2024 duke fituar vendin e dytë për klasat e shtata.

Më shumë

Dita e të Moshuarve, një ditë për të dhuruar kujdes, respekt dhe dashuri Sot, me rastin e Ditës Ndërkombëtare të të Moshuarve, nxënësit e klasave të pesta të shkollës sonë, vizituan Shtëpinë e të Moshuarve në Prishtinë. Kjo vizitë ishte kurorëzim i iniciativës “Shesim që të dhurojmë”, përmes së cilës nxënësit mblodhën fonde me dëshirën për të kontribuar aty ku mbështetja dhe kujdesi kanë rëndësi të veçantë. Fondet e mbledhura u dhuruan për të mbështetur shërbime të rëndësishme në përditshmërinë e të moshuarve, ndërsa vizita u bë një mundësi e bukur për të ndarë kohë, respekt dhe afërsi mes brezash. Përmes nismave të tilla, nxënësit tanë mësojnë se edukimi shkon përtej bankave shkollore, ai kultivon empatinë, solidaritetin dhe përgjegjësinë ndaj komunitetit.

Më shumë →

Headline

Visit

👍 ❤️ 😮22

0 Comments4 Shares

Qeliza nën mikroskop, nga teoria në praktikë Nxënësit e klasave të 10-ta zhvilluan punë praktike në Laboratorin e Biologjisë, ku përgatitën preparate mikroskopike për vrojtimin e qelizës dhe strukturës së saj. Puna në laborator u mundëson nxënësve që njohuritë teorike t’i zbatojnë në praktikë, të hulumtojnë në mënyrë të pavarur dhe të zhvillojnë të menduarit shkencor përmes vrojtimit dhe analizës. Në Shkollën "Mileniumi i Tretë", mësimi shkon përtej tekstit shkollor, duke krijuar përvoja që nxisin kureshtjen, kërkimin dhe zbulimin.

Më shumë →

Headline

Visit

👍 ❤️ 😮14

0 Comments2 Shares

“Një klasë, një qytet”, në shërbim të trashëgimisë kulturore Me rastin e 29 shtatorit – Ditës Kombëtare të Trashëgimisë Kulturore, nxënësit e klasave të teta realizuan projektin “Një klasë, një qytet”. Përmes këtij projekti, nxënësit hulumtuan dhe prezantuan aspekte të historisë, kulturës, traditave, monumenteve dhe veçorive të qyteteve tona, duke ndarë njohuritë e tyre me nxënësit e klasave të tjera. Ky aktivitet ishte një mundësi e veçantë për të promovuar dhe vlerësuar trashëgiminë tonë kulturore, duke nxitur te nxënësit dashurinë për historinë, kulturën dhe pasurinë e vendit tonë.

Më shumë →

Headline

Visit

👍 ❤️ 😮16

0 Comments1 Shares