Nuk ka vende të lira për regjistrim në klasën e parë deri në vitin shkollor 2028/29. Ju lutem plotësoni formularin dhe qëndroni në pritje për regjistrimet për vitin shkollor 2028/29.
Shkolla “Mileniumi i Tretë” zbaton metoda inovative dhe programe ndërkombëtare, duke ofruar një mjedis fleksibël që nxit të mësuarit gjatë gjithë jetës.
e-Mësimi është portë hyrëse për të gjithë nxënësit e shkollës "Mileniumi i Tretë", si për ata nxënës që janë të interesuar në mësimin e kombinuar (blended learning), ashtu edhe për ata që nuk kanë mundësi të jenë prezent në klasë dhe dëshirojnë të mësojnë online (online learning). Klasat ofrohen në kohë të përshtatshme për nxënësit kudo që ndodhen, qoftë në ambientin e shkollës apo prej komforit të shtëpive të tyre dhe ofrojnë të njëjtën cilësi të lartë të mësimdhënies sikurse nëpër klasat tona që mbahen në shkollë.
Synojmë arsim cilësor që zhvillon potencialin, mendimin kritik dhe lidershipin e çdo nxënësi.
Zhvillimi maksimal dhe i lirë i secilit nxënës, në përputhje me aftësitë psikike e fizike dhe, në pajtim me kërkesat e Shoqërisë së DIJES.
Me shume
Qëllimi i shkollës është të qenit model duke ofruar programe me standarde të larta, të cilat krijojnë kushte që nxënësit të kenë vetëbesim dhe të jenë ndërtues kreativë të së ardhmes. Komuniteti i shkollës përqendrohet në tërë qenien e fëmijës për mbjelljen e dëshirës që të mësojë e të dijë, të marrë përsipër rreziqe e përgjegjësi, si dhe t’i kontribuojë transformimit të vetes e të shoqërisë.
Me shume
1. Përgjegjësia – Ne jemi të përgjegjshëm për veprimet tona, pranojmë kur dështojmë në standardet tona, dhe gjithmonë përpiqemi të japim më të mirën nga vetja.
2. Mendimi kritik – Ne zbatojmë dhe inkurajojmë të menduarit në mënyrë kritike për problemet e botës. Ne i mësojmë nxënësit si të mësojnë dhe të jenë analitikë në mënyrë që ata të mund të dalin në botë si nxënës gjatë gjithë jetës për të zgjidhur problemet e Shekullit 21.
3. Individualizmi – Ne inkurajojmë njerëzit ta përqafojnë veten e tyre të vërtetë dhe të ndajnë veçantinë e tyre me botën që i rrethon.
4. Puna në grup – Të gjithë ne jemi një ekip. Punojmë së bashku, sepse e dimë që mund të arrijmë më shumë bashkë, sesa si individë.
5. Respekti – Ne respektojmë të drejtën e njëri -tjetrit për siguri dhe dinjitet në shkollë. Ne flasim me qetësi, mirësjellje dhe qytetërim.
6. Ndershmëria – Ne e vlerësojmë ndershmërinë gjatë komunikimit me të tjerët. Testi real i ndershmërisë është kur duhet të pranojmë gabimin.
7. Ndryshimi i guximshëm – Ne besojmë se ndryshimi mund të jetë një mundësi pozitive për krijimin e vetvetes, shkollës e shoqërisë më të mirë duke u përballur guximshëm me sfidat dhe duke përkrahur njëri -tjetrin në momente të vështira në mësimet për jetën.
8. Reflektimi – Ne e vlerësojmë reflektimin si një mënyrë që të përmirësohemi. Ne mendojmë e analizojmë veprimet tona dhe shohim se si të përmirësohemi herën tjetër.
9. Pritshmëritë e larta – Ne kemi pritshmëri të mëdha nga vetja dhe besojmë se jemi të aftë të arrijmë më shumë sesa kemi synuar me të ardhur në këtë shkollë.
10. Udhëheqja – Ne përpiqemi të bëhemi udhëheqës të së nesërmes duke praktikuar udhëheqjen në komunitetin tonë shkollor sot.
Shkolla “Mileniumi i Tretë” nisi punën në 2004/05 me 118 nxënës dhe 25 punonjës. Në vitet pasuese u hap restoranti, fusha e sportit dhe u zgjerua objekti. Në 2009/10 u shtua gjimnazi, i cili në 2017/18 mori drejtimet Shkenca Natyrore dhe Shoqëror-Gjuhësor. Në qershor 2012, u diplomua gjenerata e parë e maturantëve.
Më poshtë mund t'i gjeni planet dhe programet mësimore për klasën e parë deri në klasën e dymbëdhjetë
01
Klasa I
02
Klasa II
03
Klasa III
04
Klasa IV
05
Klasa V
06
Klasa VI
07
Klasa VII
08
Klasa VIII
09
Klasa IX
10
Klasa X
11
Klasa XI
12
Klasa XII
Njihuni me ekipin tonë të kualifikuar dhe me përvojë, të përkushtuar për suksesin dhe zhvillimin e nxënësve tanë.
Mësimdhënëse e Gjuhës Gjermane
Baçelor i Gjuhës dhe Letërsisë Gjermane
Mësimdhënëse e Gjuhës Gjermane
Baçelor i Gjuhës dhe Letërsisë Gjermane
Bibliotekare
.jpg&w=3840&q=75)
Mësimdhënëse e Fizikës
Baçelor i Fizikës
Mësimdhënëse e Mësimit Klasor
Baçelor i Edukimit - Programi Fillor
Mësimdhënëse e Artit
Profesoreshë e Pikturës
Në Sallën e Kuqe të Pallatit të Rinisë, u mbajt një program festiv me rastin e 18-vjetorit të Pavarësisë së Kosovës. Përmes valleve, këngëve, recitaleve dhe interpretimeve artistike, nxënësit sollën emocione të veçanta dhe përcollën frymën e dashurisë për atdheun. Atmosfera festive, energjia e nxënësve dhe përkushtimi i mësimdhënësve e bënë këtë program një kujtim të bukur për të gjithë të pranishmit. Falënderojmë secilin që kontribuoi në realizimin e këtij programi dinjitoz, duke nderuar një nga datat më të rëndësishme të historisë sonë.
Më shumë
Me urimet më të mira për vit të mbarë e të suksesshëm, sot të gjithë nxënësit e shkollës “Mileniumi i Tretë” janë rikthyer në shkollë. Sot kemi pritur edhe shumë nxënës të rinj të cilët janë bashkuar me ne. Me lule e përqafime i kanë takuar mësimdhënësit e tyre ndërsa pas takimeve, të gjithë kanë zhvilluar lojëra sportive argëtuese në stacionet e tyre.
Më shumë
Me një ceremoni zyrtare të organizuar, sot kemi pritur nxënësit e regjistruar në klasën e parë, të përcjellur nga prindërit e tyre. Fëmijët me emocione të veçanta kanë takuar mësuesen e cila do t’i udhëzojë drejt rrugës së dijes për pesë vitet e ardhshme. Para fillimit të mësimit ata u argëtuan me programin e Palaço me shokë si dhe dëgjuan me vëmendje fjalimin e drejtoreshës së shkollës znj, Afrore Lila, me këshilla të vlefshme për rrugëtimin e tyre.
Më shumë
Nxënësja e shkollës “Mileniumi i Tretë”, Diella Morina ka treguar sukses të lartë në Olimpiadën e Matematikës në Kosovë OMK 2024 duke fituar vendin e dytë për klasat e shtata.
Më shumë
𝐅𝐮𝐪𝐢𝐚 𝐞 𝐥𝐢𝐛𝐫𝐢𝐭 𝐧𝐞̈ 𝐝𝐮𝐚𝐫𝐭 𝐞 𝐯𝐨𝐠𝐥𝐚 📚 Në Ditën e Librit, nxënësit e ciklit të ulët shprehën dashurinë e tyre për leximin përmes punimeve kreative. Secili vizatim dhe krijim tregon imagjinatën, ëndrrat dhe botën që librat ua hapin çdo ditë. Libri mbetet miku më i mirë në çdo hap të rritjes së tyre.
Më shumë →
𝐒𝐡𝐤𝐞𝐧𝐜𝐚 𝐦𝐞̈ 𝐚𝐟𝐞̈𝐫 𝐧𝐱𝐞̈𝐧𝐞̈𝐬𝐯𝐞 Nxënësit e klasave të katërta njësitë mësimore të përfunduara i praktikuan në kabinetin e fizikës. Duke i parë nga afër elektricitetin, magnetin dhe elektroskopin, ata arritën të kuptojnë më mirë dukuritë fizike. Mësimi u bë më interesant dhe më i lehtë për t’u përvetësuar, pasi nxënësit patën mundësi të vëzhgojnë dhe të eksperimentojnë vetë. Kjo përvojë praktike i ndihmoi ata të lidhin teorinë me praktikën dhe të rrisin kureshtjen për shkencën. Falënderojmë arsimtaren e fizikës, Inesë Basha, për angazhimin dhe përkushtimin e saj.
Më shumë →
𝐓𝐚𝐤𝐢𝐦 𝐤𝐮𝐥𝐭𝐮𝐫𝐨𝐫 𝐦𝐞 𝐬𝐡𝐤𝐫𝐢𝐦𝐭𝐚𝐫𝐢𝐧 𝐉𝐮𝐬𝐮𝐟 𝐁𝐮𝐱𝐡𝐨𝐯𝐢 𝐧𝐞̈ 𝐤𝐮𝐚𝐝𝐞̈𝐫 𝐭𝐞̈ 𝐃𝐢𝐭𝐞̈𝐬 𝐬𝐞̈ 𝐋𝐢𝐛𝐫𝐢𝐭 Në kuadër të Ditës së Librit, shkolla jonë organizoi një aktivitet të veçantë me nxënësit e klasave të nënta. Me këtë rast, patëm kënaqësinë të mirëpresim shkrimtarin e njohur, Jusuf Buxhovi, i cili ndau me ne përvojën e tij krijuese, rrugëtimin në botën e letërsisë dhe mesazhe frymëzuese për të rinjtë. Takimi u zhvillua në një atmosferë të ngrohtë dhe motivuese, ku nxënësit patën mundësinë të bëjnë pyetje, të diskutojnë mbi rëndësinë e leximit dhe të kuptojnë më thellë fuqinë që libri ka në formimin e mendimit kritik dhe krijimtarisë. Ky aktivitet shënoi një hap të rëndësishëm në nxitjen e dashurisë për librin dhe kulturën e leximit në shkollën tonë. Dita e Librit u kthye kështu në një festë të dijes, ku nxënësit u frymëzuan të lexojnë më shumë, të shkruajnë dhe t'i ndajnë mendimet e tyre.
Më shumë →
Ju lutem na kontaktoni për çdo informatë apo pyetje
