Nxënësit e klasave të njëmbëdhjeta njihen për së afërmi me laboratorët e rrjetave kompjuterike

Në kuadër të aktiviteteve në lëndën e Informatikës nxënësit e klasave të njëmbëdhjeta së bashku me mësimdhënësin Valmir Sadiku  vizituan qendrën e trajnimeve AUK TDI, e cila është pjesë e RIT Kosovo.

Gjatë kësaj vizite, nxënësit patën mundësinë që t’i shohin konkretisht disa nga pajisjet, të cilat përdoren për krijimin e rrjetave kompjuterike dhe mundësojnë edhe shpërndarjen e internetit.

Shkolla “Mileniumi i Tretë”, falënderon z.Enis Vehapi, koordinator i teknologjisë dhe z.Milaim Ismaili, instruktor, për mikpritjen.