Mësimdhënësit hulumtues prodhojnë nxënës hulumtues të së ardhmes

Më 8 & 9 janar në Prevallë, në kuadër të zhvillimit të vazhdueshëm profesional të mësimdhënësve që organizon shkolla “Mileniumi i Tretë, u realizua edhe kursi “Hulumtimi në Veprim” apo siç njihet në literaturë “Action Research” për rreth 30 mësimdhënës të shkollës.

Megjithëse për 12 vitet e funksionimit të saj, Shkolla ka realizuar me sukses dhjetra programe të ndryshme trajnimi, e veçanta e kursit në fjalë qëndron në atë se hulumtimet që do të zhvillohen në klasa kanë për qëllim ndikimin e drejtëpërdrejtë në përmirësimin e punës së mësimdhënësve, zhvillimin e tyre profesional dhe ngritjen e rezultateve te nxënësit bazuar në shqetësimet që rrjedhin nga vetë mësimdhënësit. Gjithashtu, kur e tërë një shkollë frymon në qasje hulumtuese të mësimdhënësve është sinjali më i mirë i bartjes së “fuqisë” konstruktiviste edhe të nxënësit.

Përveç aktiviteteve intenzive të të nxënit bashkë me entuaziazmin dhe seriozitetin e treguar nga stafi për identifikimin e temave hulumtuese gjatë seancave, kjo ngajrje u shërbeu atyre edhe për socializim & relaks nga përditshmëria.

Kursi u realizua nga ekipi i trajnerëve të shkollës (të certifikuar nga KEC-BEP), të cilët gjatë hulumtimit do të mentorojnë mësimdhënësit për temat e hulumtimit deri në certifikimin e tyre.