Ligjëratë për ushqime të shëndetshme

Për nxënësit e klasave të treta ishte një ditë e veçantë. Ata patën rastin të dëgjojnë  një ligjëratë lidhur me ushqimet e shëndetshme-pjesë e projekteve modulare. Ligjëratën e mbajti prindi z. Zeqirja Kadrija në bashkëpunim me pjesëmarrësin e MasterChef Albania z. Nol Mala. Ata informuan nxënësit për llojet e ndryshme të ushqimeve qe janë te shëndetshme dhe vitaminat qe  përmbajnë ato, si dhe rëndësinë që kanë ato për organizmin e njeriut. Nxënësit u vetëdijesuan për rëndësinë e te ushqyerit të shëndetshëm. Të gjithë fëmijët ishin kureshtarë të dinin sa më shumë rreth pemëve dhe perimeve si dhe për sasinë  që duhet konsumuar brenda ditës. Z.Mala dhe z. Kadrija ishin të gatshëm që të përgjigjeshin në çdo pyetje të tyre. Secili fëmijë tregoi për pemën dhe perimen e tyre të preferuar, ndër të tjera së bashku përgatitën  një sallatë imagjinare. Nxënësit e klasave të treta falënderojnë prindin Zeqirja Kadrija dhe Nol Mala për ligjëratën e mbajtur.