PANAIRI DHE KROSI, PËR NDER TË DITËS SË SHKOLLËS  

Sot në shkollën tonë u mbajt Panairi i Shkencave Natyrore dhe krosi. Këto dy aktivitete u organizuan  për nder të 1 Qershorit, Ditës së Shkollës dhe ditës së fëmijëve. E gjithë shkolla gëlonte nga zërat entuziastë të nxënësve. Ishte kënaqësi e madhe të shihje gjithë punën e tyre, të shihje se sa të shkathët janë ata në prezantim apo edhe në demonstrim të eksperimenteve. Kështu, ata realizojnë veten duke shprehur kreativitetin në forma të ndryshme. Për dy orë panairi ishte i hapur edhe për prindërit mysafirë, duke u përmbyllur në mënyrën më të suksesshme. Tashmë Panairi në shkollën tonë është ndër aktivitetet që pritet me shumë interes vit pas viti.

Ndërkohë që mësimdhënësit e Edukatës fizike realizua krosin në Gërmi me nxënës të klasave V-XI. Pas ndarjes së medaljeve dhe mbajtjes së disa lojërave sportive, të gjithë u kthyen të kënaqur e të relaksuar në shtëpi. Sigurisht se edhe mësimdhënësit, pasi kjo ishte një tjetër ditë e përmbushjes së kënaqësisë profesionale.