Shkolla jonë mirëpriti nxënësit e gjimnazit nga Gjilani

Sot në Shkollën tonë e vizitoi një delegacion i përbërë nga nxënës dhe mësimdhënës të gjimnazit “Zenel Hajdini” nga Gjilani. Drejtoresha e shkollës, znj. Afrore Lila duke u dëshiruar mirëseardhje i njoftoi ata për sistemin e punës së Shkollës bashkëkohore, për Mësimin e Bazuar në Projekte dhe mësimin e nivelizuar të gjuhëve të huaja, ndërsa mësimdhënësit e shkollës sonë i informuan dhe demonstruan funksionimin e mësimit praktik e teknologjik në kabinetet shkencore dhe në atë të informatikës, si qendër testuese e ECDL. Ata panë për së afërmi format e punës së shkollës, qasjen dhe metodologjinë e avancuar e cila përdoret këtu si dhe mbetën shumë të kënaqur me pritjen që Shkolla “Mileniumi i Tretë” ua bëri. Shkolla jonë falenderon shumë gjimnazin “Zenel Hajdini” për këtë vizitë!