𝐉𝐚𝐯𝐚 𝐞 𝐆𝐣𝐮𝐡𝐞̈𝐬 𝐆𝐣𝐞𝐫𝐦𝐚𝐧𝐞 – 𝐍𝐣𝐞̈ 𝐮𝐝𝐡𝐞̈𝐭𝐢𝐦 𝐧𝐞̈ “𝐄𝐢𝐧 𝐒𝐭𝐮̈𝐜𝐤 𝐃𝐞𝐮𝐭𝐬𝐜𝐡𝐥𝐚𝐧𝐝” 🇩🇪 Java e Gjuhës Gjermane në shkollën tonë, e zhvilluar nën temën “Ein Stück Deutschland”, solli një atmosferë të gjallë dhe edukative, duke afruar nxënësit me kulturën dhe traditat gjermane. Përmes punës në grupe, nxënësit eksploruan elemente kulturore si Oktoberfest, veshjet tradicionale, ushqimet dhe pijet tipike gjermane, si dhe krijuan punime kreative, përfshirë Lebkuchenherzen me mesazhe në gjuhën gjermane. Ata prezantuan gjithashtu figura të njohura, shpikje të rëndësishme dhe ekipe futbolli nga Gjermania. Të gjitha këto u shfaqën në një mini-ekspozitë brenda klasës, e shoqëruar me aktivitete interaktive dhe lojëra motivuese. Një përvojë që jo vetëm pasuroi njohuritë e nxënësve, por gjithashtu rriti dashurinë dhe interesin e tyre për gjuhën gjermane.

𝐍𝐣𝐞̈ 𝐩𝐞̈𝐫𝐯𝐨𝐣𝐞̈ 𝐤𝐫𝐞𝐚𝐭𝐢𝐯𝐞 𝐧𝐠𝐚 𝐚𝐟𝐞̈𝐫 𝐦𝐞 𝐛𝐨𝐭𝐞̈𝐧 𝐞 𝐝𝐢𝐳𝐚𝐣𝐧𝐢𝐭 𝐝𝐡𝐞 𝐫𝐫𝐨𝐛𝐚𝐪𝐞𝐩𝐞̈𝐬𝐢𝐬𝐞̈ ✂️ Klasa IV-1 realizoi një vizitë edukative, ku fëmijët patën mundësinë të shohin nga afër procesin e rrobaqepësisë dhe të njihen me dizajnin e veshjeve në një mënyrë kreative dhe mjaft frymëzuese. Kjo përvojë u ofroi atyre një pasqyrë më të qartë mbi punën dhe përkushtimin që qëndron pas krijimit të veshjeve, duke nxitur njëkohësisht interesin dhe imagjinatën e tyre. Vizita u organizua nga prindja e klasës, Znj.Abetare Ahma.

🦷 𝐍𝐱𝐞̈𝐧𝐞̈𝐬𝐢𝐭 𝐞 𝐤𝐥𝐚𝐬𝐞̈𝐬 𝐈𝐈-𝟐 𝐦𝐞̈𝐬𝐨𝐣𝐧𝐞̈ 𝐬𝐢 𝐭𝐞̈ 𝐤𝐮𝐣𝐝𝐞𝐬𝐞𝐧 𝐩𝐞̈𝐫 𝐝𝐡𝐞̈𝐦𝐛𝐞̈𝐭 Nxënësit e klasës II-2 realizuan një vizitë edukative në një institucion shëndetësor, e organizuar nga prindërit e Zanit. Gjatë kësaj vizite, fëmijët patën mundësinë të mësojnë rëndësinë e kujdesit për shëndetin oral. Secili fëmijë bëri një kontroll rutinor të dhëmbëve dhe mori këshilla të dobishme se si t’i ruajë dhe mirëmbajë dhëmbët në mënyrë të përditshme. Përmes kësaj përvoje, nxënësit kuptuan se vizitat e rregullta dhe higjiena e mirë janë pjesë e zakoneve të shëndetshme që fillojnë që në moshë të hershme.