𝟕 𝐌𝐚𝐫𝐬𝐢 – 𝐧𝐣𝐞̈ 𝐨𝐫𝐞̈ 𝐡𝐢𝐬𝐭𝐨𝐫𝐢𝐞 𝐩𝐞̈𝐫 𝐦𝐢𝐬𝐢𝐨𝐧𝐢𝐧 𝐞 𝐦𝐞̈𝐬𝐮𝐞𝐬𝐢𝐭 Sot, në kuadër të lëndës së historisë, në shkollën tonë u shënua 7 Marsi – Dita e Mësuesit, një datë me rëndësi të veçantë për arsimin dhe kulturën shqiptare. Gjatë orës mësimore u diskutua për historinë e kësaj dite, rëndësinë e saj dhe rolin e mësuesit ndër vite në edukimin dhe formimin e brezave. Nxënësit prezantuan gjithashtu projekte dhe punime të përgatitura me përkushtim, përmes të cilave sollën fakte historike, reflektime dhe mesazhe mirënjohjeje për figurën e mësuesit.

𝐄𝐩𝐨𝐩𝐞𝐣𝐚 𝐞 𝐔𝐂̧𝐊-𝐬𝐞̈ 𝐮 𝐩𝐞̈𝐫𝐤𝐮𝐣𝐭𝐮𝐚 𝐦𝐞 𝐚𝐤𝐭𝐢𝐯𝐢𝐭𝐞𝐭𝐞 𝐞𝐝𝐮𝐤𝐚𝐭𝐢𝐯𝐞 𝐧𝐞̈ 𝐬𝐡𝐤𝐨𝐥𝐥𝐞̈𝐧 𝐭𝐨𝐧𝐞̈ 🇽🇰 Sot në shkollën tonë u përkujtua Epopeja e UÇK-së, përmes një aktiviteti edukativ që përfshiu nxënësit në mënyrë aktive. Në kuadër të kësaj dite, nxënësit ndoqën dokumentarë që pasqyrojnë sakrificën dhe qëndresën e luftëtarëve të Ushtrisë Çlirimtare të Kosovës për lirinë e vendit. Përveç shfaqjes së dokumentarëve, nxënësit kishin përgatitur edhe kuize dhe projekte tematike, përmes të cilave prezantuan njohuritë dhe reflektimet e tyre për këtë periudhë të rëndësishme të historisë sonë.

📚⚽️ 𝐊𝐮𝐫 𝐥𝐢𝐛𝐫𝐢 𝐤𝐭𝐡𝐞𝐡𝐞𝐭 𝐧𝐞̈ 𝐟𝐫𝐲𝐦𝐞̈𝐳𝐢𝐦! Nxënësit e klasave të treta, në përfundim të leximit të librit mujor “Goli më i veçantë, Kose!”, kanë realizuar një prezantim të punimeve të tyre kreative. Të frymëzuar nga ngjarjet dhe personazhet e librit, ata kanë paraqitur përmes vizatimeve, punimeve me letra me ngjyra, karton, materiale ricikluese e elemente të tjera artistike, momentet dhe pjesët që i kanë pëlqyer më së shumti. Çdo punim ishte një interpretim unik, që tregonte jo vetëm kuptimin e leximit, por edhe imagjinatën e tyre. Leximi vazhdon të mbetet një dritare e hapur drejt botës së ideve, emocioneve dhe krijimtarisë së pakufishme. Kosovare Asllani