𝐍𝐣𝐨𝐡𝐣𝐞 𝐦𝐞 𝐩𝐫𝐨𝐟𝐞𝐬𝐢𝐨𝐧𝐢𝐧 𝐞 𝐚𝐫𝐤𝐢𝐭𝐞𝐤𝐭𝐢𝐭 🏗️ Klasa II-1 pati kënaqësinë të zhvillojë një orë mësimore të veçantë, e udhëhequr nga Blerta, nëna e nxënësit Agis. Në kuadër të lëndës Shkathtësi për jetë, ku po mësohen për profesionet e ndryshme, nxënësit u njohën nga afër me profesionin e arkitektit. Fëmijët mësuan si projektohen ndërtesat, cili është roli i arkitektit dhe sa i rëndësishëm është ky profesion në jetën e përditshme. Aktiviteti ishte interaktiv, i kuptueshëm dhe i mbushur me kureshtje, pyetje dhe entuziazëm nga ana e nxënësve.

Mësime mbi kujdesin e dhëmbëve me klasën III-5 🦷 Nxënësit e klasës III-5 vizituan ordinancën dentare të Dr. Shpresa, nën kujdesin e së cilës mësuan shumë rreth kujdesit të dhëmbëve dhe rëndësisë së vizitave të rregullta tek dentisti. Faleminderit Dr. Shpresës dhe familjes së nxënëses Uma Zakuti për mikpritjen dhe mundësinë për këtë eksperiencë praktike!

𝐏𝐮𝐧𝐞̈𝐭𝐨𝐫𝐢 𝐦𝐞 𝐌𝐞𝐧𝐚𝐱𝐡𝐦𝐞𝐧𝐭𝐢𝐧 𝐩𝐞̈𝐫 𝐚𝐯𝐚𝐧𝐜𝐢𝐦𝐢𝐧 𝐞 𝐜𝐢𝐥𝐞̈𝐬𝐢𝐬𝐞̈ 𝐧𝐞̈ 𝐬𝐡𝐤𝐨𝐥𝐥𝐞̈ Në kuadër të angazhimit për avancimin e cilësisë në shkollë, u mbajt një punëtori me menaxhmentin e lartë dhe të mesëm, gjatë së cilës u trajtuan disa çështje kyçe për zhvillimin institucional. Punëtoria u fokusua në hartimin dhe diskutimin e një Udhëzuesi praktik për mbështetjen e mësimdhënësve të rinj, rolin e udhëheqësit të departamentit në mentorimin e mësimdhënësit të ri dhe në prezantimin e risive në vlerësimin e performancës së mësimdhënësve, me synim rritjen e profesionalizmit dhe transparencës. Po ashtu, u diskutua vlerësimi i jashtëm i nxënësve dhe mënyrat se si rezultatet e tij mund të shërbejnë për përmirësimin e mësimdhënies dhe të arritjeve të nxënësve. Përveç këtyre, u shtjelluan edhe tema të tjera me rëndësi për funksionimin e shkollës, duke u dakorduar hapa konkretë për zbatim dhe koordinim më të mirë ndërmjet niveleve të menaxhmentit.