Monday, 16 December, 2019

Dita Ndërkombëtare e Ushqimit

Data 16.10.2019 në kujtimet tona është shtypur me shkronjat më të arta. Ne, me ndihmën e prindërve dhe mësueseve tona, ia dolëm që Ditën Ndërkombëtare të Ushqimit ta shënjojmë në një mënyrë shumë të veçantë. Duke gatuar ushqimet tona të preferuara dhe duke i sjellur ato në shkollë, sot krijuam një mozaik të përsosur ngjyrash e shijesh. Fëmijë që kënaqeshin me shijen e ushqimeve e që krenoheshin me veten se po kontribuojnë për fëmijët në nevojë, ishte horizonti më i bukur që sytë tanë e kanë parë.
Ndërkohë që shisnim produktet tona ushqimore, ne kalkulonim me monedhat e zemra na zgjerohej kur “kasa” mbushej. Çdo cent që shtohej, te ne paraqiste një mundësi më shumë për fëmijët në nevojë.
Një mirënjohje e pafundme për prindërit tanë të cilët njëzëri u përgjigjën me PO dhe na ndihmuan me përgatitjen e ushqimeve. Një mirënjohje tjetër për shokët e shoqet e shkollës të cilët pa hezitim i besuan iniciativës dhe punës sonë. Stafit shkollor mirënjohje që na e mundësuan që shpirtin tonë human ta shpalosim dhe ta vëmë në pah dashamirësinë tonë për bamirësinë.

Ndërsa neve, nxënësve të klasave të pesta NA LUMTË! – siç na thonë mësueset. Po, kur jemi të bashkuar jemi me të fortë!