𝐍𝐱𝐞̈𝐧𝐞̈𝐬𝐣𝐚 𝐑𝐫𝐢𝐭𝐚 𝐂𝐚𝐧𝐨𝐥𝐥𝐢 𝐩𝐣𝐞𝐬𝐞̈ 𝐞 𝐩𝐫𝐨𝐠𝐫𝐚𝐦𝐢𝐭 𝐩𝐫𝐞𝐬𝐭𝐢𝐠𝐣𝐢𝐨𝐳 𝐄𝐀𝐆𝐋𝐄 𝟐𝟎𝟐𝟔 𝐧𝐞̈ 𝐒𝐇𝐁𝐀 Nxënësja Rrita Canolli përfaqësoi Kosovën në programin prestigjioz EAGLE 2026, të organizuar nga U.S. Department of State. Gjatë qëndrimit në Seattle dhe Washington, D.C., ajo mori pjesë në trajnime intensive për inteligjencën artificiale, lidershipin dhe inovacionin, si dhe vizitoi institucione dhe kompani të njohura botërore, përfshirë Google, Amazon, Microsoft, AWS, Boeing, University of Washington, City of Bellevue dhe U.S. Department of State. Rrita gjithashtu bashkëpunoi me të rinj nga Kosova, SHBA-ja dhe Koreja e Jugut në zhvillimin e një projekti për përdorimin e inteligjencës artificiale në adresimin e sfidave reale të komunitetit. Pjesëmarrja në EAGLE 2026 përfaqëson një tjetër sukses të rëndësishëm për Rritën dhe një mundësi të jashtëzakonshme për të përfaqësuar Kosovën në një program të nivelit të lartë, duke krijuar lidhje me ekspertë dhe institucione nga fusha e teknologjisë dhe inovacionit.

𝐍𝐱𝐞̈𝐧𝐞̈𝐬𝐢𝐭 𝐭𝐚𝐧𝐞̈ 𝐧𝐞̈ 𝐒𝐮𝐩𝐞𝐫𝐟𝐢𝐧𝐚𝐥𝐞𝐧 𝐞 𝐊𝐨𝐬𝐨𝐯𝐚 𝐌𝐚𝐤𝐞𝐫𝐬 𝐋𝐞𝐚𝐠𝐮𝐞! Gjatë fundjavës, nxënësit e shkollës sonë, së bashku me arsimtaren e TIK-ut, Ymrije Rizani, morën pjesë në Garen e Robotikës – Superfinalja e Kosova Makers League. Këtë vit, misioni i garës ishte “Shpëtoni Bletët!”, një sfidë e frymëzuar nga një problem real mjedisor. Përmes robotikës, programimit dhe kreativitetit, nxënësit u angazhuan në krijimin e zgjidhjeve që kontribuojnë në mbrojtjen e bletëve dhe biodiversitetit. Pjesëmarrja në këtë garë ishte një mundësi e shkëlqyer për nxënësit tanë që të zhvillojnë aftësi të reja, të punojnë në ekip dhe të shfaqin kreativitetin e tyre në fushën e teknologjisë dhe inovacionit.

𝟏𝟎𝟎 𝐩𝐢𝐤𝐞̈ 𝐧𝐞̈ 𝐓𝐞𝐬𝐭𝐢𝐧 𝐞 𝐀𝐫𝐫𝐢𝐭𝐬𝐡𝐦𝐞̈𝐫𝐢𝐬𝐞̈ – 𝐍𝐣𝐞̈ 𝐚𝐫𝐫𝐢𝐭𝐣𝐞 𝐞 𝐣𝐚𝐬𝐡𝐭𝐞̈𝐳𝐚𝐤𝐨𝐧𝐬𝐡𝐦𝐞! Nxënësi ynë dhe bursisti i Shkollës “Mileniumi i Tretë”, Det Surroi, ka arritur rezultatin maksimal prej 100 pikësh në Testin e Arritshmërisë, një sukses i rrallë që dëshmon nivel të lartë të njohurive, përkushtim dhe punë të vazhdueshme. Ky rezultat e rendit Detin si nxënësin me performancën më të lartë në test, duke kurorëzuar me sukses angazhimin e tij gjatë viteve të shkollimit. Urime Detit për këtë arritje të veçantë! I urojmë suksese të shumta edhe në rrugëtimin e tij të mëtejshëm akademik.