💧 𝐀𝐤𝐭𝐢𝐯𝐢𝐭𝐞𝐭 𝐩𝐞̈𝐫 𝐃𝐢𝐭𝐞̈𝐧 𝐁𝐨𝐭𝐞̈𝐫𝐨𝐫𝐞 𝐭𝐞̈ 𝐔𝐣𝐢𝐭 – 𝐊𝐥𝐚𝐬𝐚 𝐈𝐈-1 Në klasën II-1 të shkollës sonë patëm kënaqësinë të mirëpresim znj. Nazmije Abdurrahmani Gagica (nënën e Evias), e cila zhvilloi një aktivitet të veçantë në kuadër të Ditës Botërore të Ujit. Fëmijët mësuan për rëndësinë e ujit dhe kujdesin ndaj mjedisit përmes një aktiviteti interaktiv. Në fund, znj. Nazmije së bashku me Evian iu dhuruan nxënësve termosa për ujë, duke i inkurajuar të përdorin alternativa të ripërdorshme.

𝐃𝐢𝐭𝐚 𝐁𝐨𝐭𝐞̈𝐫𝐨𝐫𝐞 𝐞 𝐔𝐣𝐢𝐭 💧 Në kuadër të shënimit të Ditës Botërore të Ujit, nxënësit tanë në lëndën e Kimisë realizuan një sërë aktivitetesh kreative dhe edukative. Ata përgatitën postera dhe broshura informuese, përmes të cilave prezantuan rëndësinë e ujit për jetën dhe mjedisin. Gjithashtu, nxënësit mbajtën ligjërata të shkurtra, duke ndarë njohuritë e tyre me nxënësit e tjerë, si dhe punuan në grupe për të hartuar një revistë tematike kushtuar ujit. Këto aktivitete ndihmuan në rritjen e vetëdijes për ruajtjen dhe përdorimin e qëndrueshëm të ujit, duke zhvilluar njëkohësisht shkathtësitë kërkimore, bashkëpunuese dhe komunikuese të nxënësve.

𝐆𝐞̈𝐳𝐮𝐚𝐫 𝐅𝐢𝐭𝐞̈𝐫 𝐁𝐚𝐣𝐫𝐚𝐦𝐢𝐧! Shkolla “Mileniumi i Tretë”, ju përcjell urimet më të përzemërta me rastin e festës së Fitër Bajramit, duke ju dëshiruar shëndet, paqe dhe begati në familjet tuaja. Qoftë kjo ditë një mundësi për reflektim, mirëkuptim dhe forcim të vlerave njerëzore. Me respekt, Shkolla “Mileniumi i Tretë”